Ég fór á mitt fyrsta þorrablót núna á laugardaginn, reyndar borðaði ég engan þorramat, maður gat keypt einhvern bakka á 50 kr en eftir að hafa borgað 150 kr inn þá hafði ég ekki áhuga á að láta þetta fólk fá meiri pening fyrir súrann mat. Við hittumst fyrst öll hjá Hildigunni og sátum þar í sameiginlega eldhúsinu hennar og þarna var nýtt fólk, Ragnhildur og Keli kærastinn hennar, þau og foreldrar Ragnhildar fluttu hingað út í september svo um daginn var Agnes að versla og heyrir þá konu vera tala íslensku og ákveður að heilsa, því auðvitað heilsast allir Íslendingar í útlöndum, þetta reyndist þá vera mamma hennar Ragnhildar og Agnes lét hana fá símanúmerið sitt svo Ragnhildur gæti haft samband.
Eftir að hafa drukkið heima hjá Hildigunni tókum við t-banann niðrí bæ og fórum á þorrablótið, þar var fullt af fullu fólki á öllum aldri og hljómsveitin Buff spilaði fyrir dansi. Og svo var bara dansað og skemmt sér. Arnar varð alveg rosalega fullur og af einhverjum ástæðum ákvað að ráðast á besta vininn Hjalta svo það urðu næstum því slagsmál, en bara næstum því, því auðvitað stukku allir upp og héldu þeim félögum en ég meina hvað er þorrablót án slagsmála?