aaarrrggg ekki minn dagur í dag! hnuss...

Vaknaði í morgun með stokkbólgna háls- og nefkirtla = ég er að verða veik, mætti í skólann og það var verklegt. Ann Kristin minn venjulegi partner var ekki svo mér var skellt saman við einhverja Tine og ó mæ gúd! manneskjan var gjörsamlega óvinnufær. Ég verandi svona hálf veik var ekki í stuði til að vera vinna með einhverjum sem maður þurfti að skipa fyrir hægri vinstri og útskýra í smáatriðum hvað ætti að gera, því þótt við værum með sama vinnuseðilin fyrir framan okkur og hún verandi norsk og ætti þar með að skilja betur hvar þar stæði en nei hún gerði ekki neitt nema ég segði henni að gera það, annars starði hún bara skilningsvana á öll glösin fyrir framan sig. Fyrst áttum við að mæla glúkósamagn í 4 mismundandi rottu lifrum, svo athuga hvort ketósi væri til staðar í þvagi, mjólk og blóðvökva næst áttum við að mæla pH í kúablóði fyrir og eftir að það hafði komist í snertingu við súrefni og títra svo blóðið með HCl og mæla pH.
Þegar við vorum að mæla glúkósann þá mældi ég í öll glösin og Tine horfði á, hún reyndar ákvað af sjálfstáðum að hjálpa mér að setja lok á glösin svo hægt væri að blanda innihaldið saman. Hún reyndar hljálpaði til við ketósa mælinguna, en það var eftir langan umhugsunarfrest og þegar ég var búin að segja henni hvað ætti að gera (við vorum samt báðar búnar að lesa vinnuseðilinn) Hún gat þá helt dufti í 9 litlar hrúgur og ég setti svo piss, mjólk og blóðvökva í hrúgurnar, ef það kom fjólublár litur var ketosi til staðar. Kú nr 3 reyndist vera veik og var með ketósa í mjólkinni sinni.
Þegar kom að því að mæla pH í kúablóðinu var ég orðin ansi pirruð á samstarfsfélaganum, við áttum svo að stilla pH mælinn á 7,4 meðan elektróðan var í blóðinu, þar sem Tine var greinilega ekki á leiðinni að stinga mælinum í blóðið tók ég upp glasið sem var vel full og setti elektróðuna ofan í, þar sem glasið var svona fullt fór blóð að leka meðfram hliðunum á glasinu og á hendina á mér og Tine sat bara og horfði á og var ekkert á leiðinni að fara stilla mælinn. Svo þarna stóð ég blóðug með glasið í annarri og elektróðuna í hinni og Tine sat bara og horfði á mig og ég bara "er hún að bíða eftir því að ég notaði þriðja handlegginn til að stilla mælinn eða hvað??" Kennarinn hafði verið að fylgjast með okkur og sagði við Tine "ætlaru ekki að stilla mælinn?" og Tine rankaði svona aðeins við sér og labbaði að mælinum, horfði svo á mælinn, endaði með því að kennarinn stilti mælinn og ég gat farið þvegið mér um hendurnar og náð í hanska. Ég endaði svo á því að þurfa ganga frá mest öllu því Tine var alveg ófær um að skola glösin, stóð bara og horfði þau. Ég ætla aldrei, aldrei! að vinna aftur með þessari manneskju.

Svo fór ég í hraðbanka í dag því ég þarf að borga leigu í síðastalagi á morgun, en nei það var ekki hægt að taka út pening með svona útlenskt kort, eitthvað sambandsleysi í gangi svo ég gat ekki borgað leiguna.